Актанышлылар – филармония сәхнәсендә

Габдулла Тукай исемендәге Татар дәүләт филармониясенең концертлар залында 28 апрельдә Актаныш районы үзешчән сәнгать коллективлары һәм "Агыйдел" дәүләт җыр һәм бию ансамбленең иҗат концерты булачак. "Җиде тараф - Җиде нур" исеме астында узучы концерт 18.30 сәгатьтә башлана. Билетларны tatfil.ru сайтында яки кассаларда алырга мөмкин. 24 апрельдә актанышлылар әлеге концертны район мәдәният йортында карап, олы сәфәргә хәер-фатихаларын бирделәр. 21 апрель - Җирле үзидарә көне уңаеннан, җирле үзидарә хезмәткәрләре өчен бәйрәм концерты буларак та тәкъдим ителде ул.