Актанышның «Умырзая» вокаль ансамбле Татарстан Рәисенең үрнәк гаиләләрне кабул итү тантанасында чыгыш ясады

Актанышның «Умырзая» вокаль ансамбле районыбызның гына түгел, ә республикабызның мәдәни казанышы. Балалар сәнгать мәктәбе укытучысы Разида Хаҗиева җитәкчелегендәге коллектив төрле дәрәҗәле конкурсларда җиңүләр яулый,  халкыбызның иң матур җырларын тамашачыга җиткерә.

Казан Кремлендә Татарстан Рәисенең үрнәк гаиләләрне кабул итү тантанасында да «Умырзая» вокаль ансамбленең чыгышын алкышларга күмделәр. Яшь талантларыбызга киләчәктә дә иҗат уңышлары телибез.