“Мини-мисс – 2012“

21 март көнне "Яшьлек" милли-мәдәни үзәгендә "Мини-мисс- 2012" республика конкурсының район этабы старт алды. Бәйгедә районның төрле җирлекләреннән, балалар бакчалары һәм мәктәптә белем алучы 5-12 яшьлек 44 кыз бала катнашты. Хөкемдарлар тарафыннан аларның нәфис сүзгә, җырга һәм гомумән, үз-үзләрен сәхнәдә иркен тотуларына карап, гадел бәя бирелде. "Мини-мисс Актаныш- 2012" исемен яулаган җиңүче "Мини-мисс Татарстан" бәйгесендә катнашу хокукы ала. Район күләмендә бәйгенең финал өлеше апрель башына тәгаенләнгән.