“Созвездие – Йолдызлык“ ачык телевизион эстрада фестиваленең 12 еллык тарихы бар.

Шул дәвер эчендә аның сәхнәсендә 600 меңнән артык бала чыгыш ясаган. Республика Президенты патронажлыгы астында узучы фестиваль ел саен үзенең стипендиатларын да билгели. Быелгы 2012 елгы "Йолдызлык"та 92 мең бала катнашып, күп тапкырлар сайлап алу этапларын үткәннән соң, 15 номинациядә 35 җиңүче билгеләнде.
30 ноябрь көнне, Казан Кремлендә, ТР Президенты Рөстәм Миңнеханов аларга махсус дәүләт стипендияләрен тапшырды. Бу югары бүләккә райондашларыбыз, фестивальнең 1 нче дәрәҗә лауреатлары- Регина Шиһабетдинова һәм Сөмбел Разетдинова ия булдылар, җитәкчеләре Лилия Ялалова кыйммәтле истәлек бүләге белән бүләкләнде.