"Туган як" түгәрәгенә йөрүчеләр Ирек һәм Венера Хаҗиевларда кунакта

Капканы ачып керү белән искиткеч матурлык каршы ала- Ирек абыйлары үз куллары белән ясаган атынгыч,күперчекләр,фонтаннар, декоратив агачлар,чәчәкләр-һәрберсе дә зәвык белән эшләнгән.

Ә инде бакча уртасындагы мич һәркемне үзенә тартып тора.

Хәзер авыл мичләре күп кешедә юк инде,балалар табагач,кисәү агачы,соскы кебек сүзләрне ишетми үсәләр.Ә менә Венера апалары белән Ирек абыйларында алар күрү генә түгел,үзләре камыр басып,табагач белән мичкә тыгып,тәмле пиццалар пешерделәр.Венера апалары онытылып барган ризык- боламык пешереп сыйлады.

Мич янында сыйлангач,әдәби китап- журналлар белән таныштык,кызыклы әңгәмә кордык.

Ялыбыз күңелле һәм файдалы үтте.

Балаларыбызны кунак иткәннәре өчен Венера һәм Ирек Хаҗиевлар гаиләсенә зур рәхмәт!