Гаилә бәхете – балаларда: «Умырзая» балалар бакчасында җылы очрашу узды

Балалар әти-әниләре белән берлектә әзерләгән «Урман дуслары» спектаклен тәкъдим итте. Яшь артистлар үз рольләрен бик тырышып башкардылар, тамашачыларның күңеленә хуш килде.

Беренче сыйныф укучыларының концерт номерлары әйрәм кәефен тудырды. Балалар җырлар җырлады, биеделәр, шигырьләр сөйләделәр, әти-әниләренең шатлыклы елмаюлары балалары чыгышыннан бик канәгать калуын күрсәтте.

Балалар чыгышыннан соң, әти-әниләр өчен мавыктыргыч уеннар оештырылды. Җылы һәм дусларча атмосферада әниләр һәм әтиләр тәрбия мәсьәләләре турында фикер алыштылар, тәҗрибә уртаклаштылар, аларны борчыган сорауларга җаваплар эзләделәр һәм, әлбәттә, бер-берсенә изге теләкләрен юлладылар.

Мондый очрашулар гаилә бәйләнешләрен ныгытуда, балалар һәм ата-аналар арасындагы мөнәсәбәтләрне үстерүдә зур әһәмияткә ия.