Галәмгә беренче адым: балалар космонавтика дөньясын өйрәнә

“Восток” исемле бу тарихи корабль Җир орбитасына чыгып, кешелек тарихында яңа чорга юл ачты. Галәмгә беренче булып юл алган батыр кеше — Юрий Гагарин иде. Әлеге истәлекле дата уңаеннан Актанышның “Әтәчкәй” балалар бакчасында да тематик чара уздырылды.

Зурлар төркеме өчен үткәрелгән әвәләү шөгыле космонавтика темасына багышланды. Балалар тәрбияче белән бергә пластилиннан ракеталар ясадылар, презентация карадылар, галәм серләре турында кызыклы әңгәмә кордылар. Космонавтика темасы сабыйларда зур кызыксыну уятты, аларның күзаллавын баетты һәм иҗади сәләтләрен үстерде. Чараны тәрбияче Насырова Лениза Фирдәвис кызы үткәрде.