Бүген, ниһаять, суд Нәгыймова белән Кираметдиновны аерган

Бераздан соң ул суд карарын фотога төшереп элде һәм «Булды! Бу тема ябык!», диде.

Ильмира Нәгыймова белән Руслан Кираметдинов арасындагы гауга татар эстрадасы белән кызыксынган һәркемне гаҗәпләндерде, бер үк вакытта борчуга салды. Җырчы гаиләнең таркалу алдында торуы, Русланның Ильмираны түбәнсетеп, мыскыллап яшәве турында Нәгыймова үзенең инстаграмм битендә язды.

Берәүләр, Ильмираны гаепләп Русланны якласа, икенчеләр, киресенчә, бүгенге заманда хатын-кызның гаиләдә җәберләнүе башка сыймаслык хәл дип бәяләде.

Ильмира концертларда, социаль челтәрләрдәге фотоларда ялтыравыклы, матур, парлы күренешнең иллюзия икәнлеген бүген хөкемдарарга да аңлата алган, димәк.

Хәерле булсын!