Актанышлыларны районыбыз волейболчылары өчен җан атарга чакырабыз!
«Батыр» спорт комплексында Актаныш авылындагы оешма һәм учреждение командалары арасында волейбол буенча район Чемпионаты дәвам итә. Оешма коллективларын тәкъдим итүче 16 команда үзләренең осталыкларын, команда рухын һәм җиңүгә омтылышларын күрсәтеп, иң югары титул өчен көрәшәләр.
Уеннар көн саен 18:30 сәгатьтә уза, һәр матч саен көндәшлек киеренкеләнә бара. Җанатарлар бердәмлек атмосферасы тудырып, үз командаларына актив ярдәм күрсәтәләр. Әлеге чемпионат "Спорт — тормыш нормасы" федераль проекты кысаларында оештырыла, ул "Демография" милли проектының бер өлеше булып тора, кешеләр тормышында физик активлыкның мөһимлеген ассызыклый.
Турнирның финалы 4 декабрьдә узачак, һәм нәкъ менә шушы көнне чемпионатта кайсы команданың җиңүче булачагын беләчәкбез. Сезне дә уеннарны тамаша кылырга, авылдашлар, хезмәттәшләр өчен җан атарга чакырабыз.
Следите за самым важным и интересным в Telegram-каналеТатмедиа
Нет комментариев