Хәтер һәм Дан көне: Актаныш Бөек Җиңүнең 81 еллыгын каршылый

Ләйсән ГАЗИЗОВА, 9 май 2026 - 10:00

164

Бүген — 9 май, Бөек Җиңү көне! Актаныш районы халкы бу тантаналы бәйрәм таңын зур бердәмлек һәм горурлык хисләре белән каршы алды.

Иртәнге сәгатьләрдән үк Актаныш үзәге җанланды. Районыбызның хезмәт коллективлары, мәктәп укучылары, ветераннар һәм яшь буын вәкилләре зур дулкынлану белән Җиңү паркы каршындагы мәйданга агылды. Һәркемнең күңелендә — якыннарыбызга буыннан-буынга күчеп килгән рәхмәт хисләре.

Бәйрәм атмосферасы

Тантана башланыр алдыннан кунакларны Юбилей урамы буенча куелган махсус күргәзмә каршы алды. Бөек Җиңүгә багышланган бу экспозиция сугыш елларындагы батырлыкларны, тыл хезмәтчәннәренең фидакарьлеген тагын бер кат хәтердә яңартты.

"Солдат боткасы" – бәйрәм традициясе

Мәйдан янында тагын бир күркәм чара — "Солдат боткасы" акциясе оештырылды. Теләгән һәркем кыр кухнясында пешерелгән хуш исле ботканы авыз итә ала. Бу традиция бәйрәмгә үзенчәлекле җылылык һәм бердәмлек өсти.