Еллык бурыч үтәлерме?

Татарстанда торакны сафка бастыру буенча еллык планны 36 муниципаль берәмлек тулысынча үтәп чыккан. Шул рәвешле, республикада еллык бирем 92 процентка үтәлгән. Барлыгы 2 млн 208 мең 600 кв метр мәйданда торак сафка бастырылган. Әлеге мәгълүматлар ТР Хөкүмәт йортында торакны сафка бастыру мәсьәләләренә багышлап ТР Президенты Рөстәм Миңнеханов рәислегендә узган видеокиңәшмәдә яңгырады.
ТР Дәүләт торак фондының программасы буенча барлыгы 551 йорт файдалануга тапшырылган булса, шуның 156сы социаль ипотека программасына карый.
ТР Дәүләт торак фондының башкаручы директоры Тәлгать Абдуллин үз чыгышында социаль ипотека программасында катнашучы предприятиеләр өчен квотаны арттыру, шул рәвешле, предприятие хезмәткәрләренә торак шартларын яхшырту өчен күбрәк мөмкинлекләр тудыру зарурлыгын күтәрде.
Тулы мәгълумат газетаның чәршәмбе, 21 декабрь, 2011 100 (9642) санында