Авыллар-байлыгыбыз
Бүгеннән Актаныш районы авыл җирлекләрендә халык җыеннары башлана
Бүген, 19 гыйнвардан Актаныш районы авыл җирлекләрендә халык җыеннары старт ала.
Беренче җыен Яңа Әлем авыл җирлегендә булачак, халык белән очрашу 13:00 сәгатьтә башлана. Җыенда район башкарма комитеты җитәкчесенең социаль мәсьәләләр буенча урынбасары Дилбәр Әнвәрова җитәкчелегендәге команда катнаша. Авыл халкы борчыган сорауларын район авыл хуҗалыгы идарәсе, мәгариф бүлеге, пенсия фонды, район үзәк хастаханәсе җитәкче-белгечләре, участок полициясе һәм МЧС хезмәткәрләренә юллый ала.
Шулай ук бүген 14:00 сәгатьтә Иске Сәфәр һәм Әтәс авыл җирлекләрендә дә узган елга йомгак ясалачак, һәм 2026 елга бурычлар билгеләнәчәк.
Халык җыеннары — авыл җирлекләрендә социаль, икътисади һәм инфраструктур мәсьәләләрне тикшерү, киләчәккә планнар билгеләү һәм җәмәгатьчелек фикерен тыңлау өчен мөһим чара. Район җитәкчелеге катнашында узачак җыеннар авылдашлар өчен үз фикерләрен белдерү, сорауларын бирү һәм тәкъдимнәрен җиткерү мөмкинлеге ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев