Бүген Россиядә – Остаз көне
Бүген, 2 мартта, Россиядә Остаз көне билгеләп үтелә. Әлеге дата фәнни педагогикага нигез салучы күренекле галим, мәгърифәтче Константин Дмитриевич Ушинский туу көне уңаеннан сайланган. Нәкъ менә ул педагогик фикерне фәнни нигезгә куеп, укытучы һөнәренең җәмгыятьтәге әһәмиятен күтәрүгә зур өлеш керткән шәхес буларак тарихта кала.
«Остаз көне» истәлекле датасы Россия Президенты Указы нигезендә гамәлгә куелды. Аның төп максаты — остаз статусын ныгыту, остазлыкның җәмгыять өчен әһәмиятен дәүләт дәрәҗәсендә күрсәтү, әлеге эшчәнлекне популярлаштыру һәм остазларның ролен, абруен күтәрү.
Остаз — ул бары тик белем бирүче генә түгел. Ул — юл күрсәтүче, тәҗрибә уртаклашучы, һөнәри һәм шәхси үсешкә этәргеч бирүче кеше. Тормышта һәркемнең үз остазы була: мәктәптәге укытучысы, һөнәри юлда ярдәм иткән җитәкчесе, иҗат дөньясында канат куйган остасы.
Бүгенге көн — остазларга рәхмәт сүзләре җиткерү, аларның хезмәтен бәяләү һәм хөрмәт белдерү өчен аеруча күркәм мөмкинлек. Чөнки көчле җәмгыять, тотрыклы дәүләт, белемле буын — барысы да остаз хезмәте нәтиҗәсе.
Барлык остазларны ихлас күңелдән бәйрәм белән котлыйбыз! Сезнең сабырлыгыгыз, зирәклегегез һәм фидакарь хезмәтегез өчен зур рәхмәт. Яңа уңышлар, илһам һәм рәхмәтле шәкертләр телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев