Чаллы хастаханәсендә вахта автобусы белән һәлакәттә зыян күрүчеләр хәлен сөйләделәр

Бүген вахта автобусы һәм йөк машинасы бәрелешендә зыян күргән кешеләрнең хәле турында журналистларга Чаллының Ашыгыч медицина ярдәме хастаханәсе баш табибы Марат Мөхәммәдиев сөйләде.

Хәзерге вакытта хастаханәдә әлеге юл һәлакәтендә зыян күргән 20 кеше тикшерү һәм дәвалау уза.

«Беренче пациент безгә 7.45 сәгатьтә килде. Пациент авыр хәлдә иде, аның талагында яра, хәзерге вакытта операция бүлегендә, аның белән хирурглар шөгыльләнә», – дип сөйләде Марат Мөхәммәдиев.

Тагын 16 зыян күрүченең хәлен табиблар җиңел дәрәҗәдә дип бәяли. Алар кабул итү бүлегенең беренче залында һәм хәзерге вакытта бөтен кирәкле диагностиканы уза. Өч пациент уртача авыр хәлдә, хәлләре тотрыклы. Хастаханәнең кабул итү бүлеге икенче залында алар белән шулай ук белгечләр шөгыльләнә.

«Төрле җәрәхәтләрне исәпкә алып, башка учреждениеләрдән офтальмологлар, казна-йөз хирурглары һәм ЛОР- табиблар җәлеп ителде. Алар барысы да хәзер биредә, шуңа күрә барлык пациентларга, аларның сәламәтлек торышын исәпкә алып, диагностика үткәрелә һәм дәвалау ярдәме күрсәтелә», – диде Чаллы хастаханәсе баш табибы.

Элегрәк «Татар-информ» ТР Сәламәтлек саклау министрлыгы матбугат хезмәтенә сылтама белән юл-транспорт һәлакәтендә вахта автобусы һәм йөк машинасы белән юл һәлакәте булуын, 21 кеше зыян күргәнлеген хәбәр иткән иде. Шуларның берсе госпитализациядән баш тарткан, зыян күргән егерме кешене Чаллының Ашыгыч медицина ярдәме хастаханәсенә китергәннәр. Авария Алабуганың махсус икътисади зонасында бүген иртән килеп чыккан.