Районыбыз башлыгы Ленар Зарипов мәдәният хезмәткәрләрен һөнәри бәйрәмнәре белән котлады

Мәдәният хезмәткәре - һөнәр генә түгел, ул сәнгать аша кешеләрнең күңелен, рухын дәвалаучы, дөньяга матурлык өстәүче. Илебез өчен авыр чорларда да алар халкыбызның рухын күтәреп җиңүгә үз өлешләрен керткәннәр. Бүгенге көндә дә сезнең хезмәтегез зурдан.  
 
Үзенең гомерен мәдәният өлкәсе белән бәйләгән кешеләр тирән ихтирамга лаек. Башкалар ял иткән вакытта сез, күңел җылыгызны кызганмыйча, халыкка хезмәт итәсез, матурлык бүләк итәсез. Сезгә сәламәтлек, гаиләләрегезгә иминлек, күңел күтәренкелеге, яңа иҗади идеяләр телибез. Яраткан эшегезнең игелеген күреп яшәргә язсын! Бәйрәмегез белән!