Укучылар белән профилактик кичә

5 декабрь көнне район юл хәрәкәте иминлеге фонды җитәкчесе Рәсимә Сәетова, юл хәрәкәте иминлеге инспекторы Илдус Имамразыев, балигъ булмаган балалар белән эшләүче инспектор Ания Ахунова Такталачык VIII төрдәге махсус гомуми белем бирү интернат-мәктәбендә булып, укучылар белән профилактик кичә үткәрделәр. Балалар кызыклы биремнәр аша юл кагыйдәләре буенча алган белемнәрен ныгыттылар, тәртип бозган очракта 14 яшькә кадәр балигъ булмаган балалар белән эшләүче комиссия, аннан соң суд каршында, закон нигезендә җавап тотачакларын районда булган мисаллар үрнәгендә төшенделәр.