Район пенсия фонды документларны электрон вариантта кабул итә

Район пенсия фонды 2013 елдан предприятиеләр, оешма-учреждениеләр хезмәткәрләргә пенсия билгеләү буенча әзерлек эшләре алып бару өчен документларны электрон вариантта кабул итә башлады. Татарстан Республикасы Министрлар Кабинеты тарафыннан чыгарылган карар әлеге электрон хезмәт булачак пенсионерларны мәгълүматлы итәчәк, дип тә ышандыра. Электрон документ әйләнешен тормышка ашыру өчен барлык җитәкчеләр, коллективларның кадрлар буенча белгечләре җаваплы. Тагын да төгәлрәк мәгълүмат аласыгыз килсә, 074 яки 3-11-49 телефоннарына шалтыратырга яисә www pfrrt.ru, uslugi.tatar.ru сайтлары аша белешергә мөмкин, дип хәбәр итә район пенсия фонды идарәсе.