2025 елның 16 ноябрендә «Батыр» һәм «Иман» спорт комплексларында волейбол буенча оешмалар һәм предприятиеләр арасында район чемпионаты старт алачак.
Ярышларда районның төрле оешмалары һәм предприятиеләре командалары катнашачак. Чемпионатның төп максаты — хезмәт коллективлары арасында сәламәт яшәү рәвешен пропагандалау, физик культура һәм спортны киң җәелдерү, шулай ук оешмалар арасында хезмәттәшлекне ныгыту.
Бәйге кызыклы уеннар, киеренке мизгелләр һәм лаеклы җиңүләр вәгъдә итә. Ярышларны оештыручылар барлык катнашучыларга уңышлар тели һәм район халкын спорт чарасын күзәтергә чакыра.
Чара турында өстәмә мәгълүматны район башкарма комитетының спорт бүлегеннән алырга мөмкин.
Нет комментариев