Хантавирус инфекциясеннән сакланыгыз!

Төп симптомнар:

• Тән температурасының кинәт күтәрелүе һәм калтырану.

• Көчле баш авыртуы.

• Мускулларда һәм бил тирәсендә сызлау.

• Бөер зарарлану билгеләре.

• Геморрагик синдром (кан савулар) һәм тромбоцитлар күләме кимү.

Бу ничек йога?

Инфекциянең төп чыганагы — кимерүчеләр (тычканнар). Вирус аларның бүлендекләре (сидек, фекалия, селәгәй) белән тузан аша яки турыдан-туры контакт вакытында йогарга мөмкин.

Саклану чаралары:

1. Контактны чикләгез: Кимерүчеләр белән очрашудан һәм алар булган урыннардан ерак йөрегез.

2. Җыештыру, өмә вакытында саклык: Подвалларны, сарайларны җыештырганда битлек (респиратор) һәм перчаткалар киегез. 

3. Юешләп җыештыру: Биналарны тузан чыгармыйча, юеш чүпрәк белән җыештырыгыз һәм еш җилләтегез.

4. Азык-төлекне саклагыз: Ризыкларны кимерүчеләр керә алмый торган ябык савытларда тотыгыз.

5. Шәхси гигиена: Кыр эшләрендә йөргәндә яки табигатьтә ял иткәндә ашар алдыннан кулларны сабынлап юу яки антисептик белән эшкәртү зарур.

6. Йорт яны: Кимерүчеләр үрчемәсен өчен чүп-чар өемнәрен җыештырыгыз, үләнне чабып торыгыз.

Мөһим: Беренче симптомнар пәйда булу белән кичекмәстән медицина ярдәменә мөрәҗәгать итегез! Үз-үзеңне дәвалау гомер өчен куркыныч булырга мөмкин.