Актаныш

Качкынлылар “Мәрхәмәтле Татарстан” эстафетасына кушылды

"Язгы мәрхәмәтлелек атнасы" уңаеннан, "Мәрхәмәтле Татарстан" эстафетасына кушылып, Качкын балалар бакчасы нәниләре белән авылдашларыбыз Индус бабай һәм Хәтирә әбинең хәлләрен белергә бардык. Алар улы, килене, ике оныгы белән гомер кичерәләр. Өйләре җылы, матур, чиста, үзләре шат. Индус бабай күптән түгел инсульт кичергән, телсез-хәрәкәтсез калган булган, хәзер үзен яхшы хис итә....

"Язгы мәрхәмәтлелек атнасы" уңаеннан, "Мәрхәмәтле Татарстан" эстафетасына кушылып, Качкын балалар бакчасы нәниләре белән авылдашларыбыз Индус бабай һәм Хәтирә әбинең хәлләрен белергә бардык.

Алар улы, килене, ике оныгы белән гомер кичерәләр. Өйләре җылы, матур, чиста, үзләре шат. Индус бабай күптән түгел инсульт кичергән, телсез-хәрәкәтсез калган булган, хәзер үзен яхшы хис итә. "Мин яңадан тудым," - ди ул.

Хәтирә әби дә авыруларга бирешмичә яшәп ята. Ул 10 майда 90 яшен каршыларга әзерләнә. Индус бабай белән Хәтирә әби 52 ел бергә тату гомер итәләр.

Без аларга саулык-сәламәтлек, бәхетле картлык теләдек. Җырладык, биедек, шигырьләр сөйләдек. И сөенделәр! Безне: "Тәртипле, зыялы, сәламәт балалар булып үсегез!" - дип озатып калдылар.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: