“Халык контроле”ндә яңа категория

2014 елда Россиядә экстремистик характерда барлыгы 938 җинаять теркәлгән, Идел буе федераль округында - 186, Татарстанда - 50, Киров өлкәсендә - 26, Башкортстан Республикасында - 19 (ТР Эчке эшләр министрлыгы мәгълүматлары). Ел нәтиҗәләре буенча, "Хизб ут-Таһрир" халыкара террорчылык оешмасының 12 әгъзасы, шулай ук, "Әт-Тәкъфир вәл-Һиҗрә" һәм "Нурҗулар" тыелган дини оешмаларның 10 вәкиле җинаять җаваплылыгына җәлеп ителгән. Чит ил гражданнары кылган җинаятьләр саны арткан. Татарстан Президенты Рөстәм Миңнеханов "Халык контроле"ндә "Экстремизм, дини һәм милли низаглар" категориясен эшләтеп җибәрү бурычын куйды.