Иң тату сыйныф кайсы районда: Бездә Актаныш, Минзәлә, Сарман, Тукай, Мөслим ата-аналар комитетлары республика бәйгесендә көч сынаша
Бүген Актанышның Әлфия Авзалова исемендәге район мәдәният сараенда «Тату сыйныф серләре» республика конкурсының зона этабы уза. Республикабызның Актаныш, Минзәлә, Сарман, Тукай, Мөслим ата-аналар комитетлары иң көчле команда исеме өчен көч сынаша.
Татарстан Республикасы Фән һәм мәгариф министрлыгы тарафыннан уздырылучы бәйгедә районыбыз данын Актанышның икенче санлы мәктәбе укучылары һәм ата-аналары яклый.
Ландыш Илис кызы җитәкчелегендәге алтынчы сыйныф укучылары һәм ата-аналары беренче этапны уңышлы узды. Мәртәбәле жюри каршында гаилә һәм мәктәп бердәмлеген күрсәтүче күргәзмәдә осталыкларын, милли гореф-гадәтләребез, күренекле шәхесләребез, йолаларыбызны тәкъдим иттеләр.
Әлеге вакытта конкурсның "Визитка", "Проект" этаплары бара.
Следите за самым важным и интересным в Telegram-каналеТатмедиа
Нет комментариев