Шәрип Шәймиев музеенда 2017 ел Минтимер Шәймиев елы дип игълан ителде

автор, 21 гыйнвар 2017 - 06:21

Актаныш районында 2017 ел "Кече Ватан елы" дип игълан ителгән иде. Шәрип улы туган көнне, 20 гыйнварда, "Шәрип Шәймиев музей-йорты"нда И.Цыбульский һәм Н.Шәйдуллина авторлыгында иҗат ителгән "ЖЗЛ. Минтимер Шаймиев" китабының тәкъдим итү кичәсе булды. Гыйнвар ае Актаныш районында «Горурлык ае» дип игълан ителгән иде. "Дөрестән дә, горурланырлык якташыбыз, авылдашыбыз бар",...

Актаныш районында 2017 ел "Кече Ватан елы" дип игълан ителгән иде.

Шәрип улы туган көнне, 20 гыйнварда, "Шәрип Шәймиев музей-йорты"нда И.Цыбульский һәм Н.Шәйдуллина авторлыгында иҗат ителгән "ЖЗЛ. Минтимер Шаймиев" китабының тәкъдим итү кичәсе булды.

Гыйнвар ае Актаныш районында «Горурлык ае» дип игълан ителгән иде.

"Дөрестән дә, горурланырлык якташыбыз, авылдашыбыз бар", - дип белдерде Шәрип Шәймиев музей-йорты" җитәкчесе Гөлназ Фаил кызы Гыйбадуллина. Музей кысаларында уздырылачак чаралар, күчмә күргәзмәләр, һәртөрле очрашулар Минтимер Шәрип улының тормыш юлын, киңкырлы эшчәнлеген өйрәнүгә юнәлтеләчәк, диде ул.

Минтимер Шәймиевнең юбилеена әзерлек үткән елның декабрь аеннан ук башланды. Музей фондында сакланучы фоторәсемнәрдән торган "Гасырларга берәү генә туа" дип исемләнгән күргәзмә ачылды. Мәскәүнең "Мир" ДТРК журналистлары Минтимер Шәймиев туып-үскән авылга кайтып, шул чорда яшәгән шәхесләр, мәктәп укучылары белән очрашып, музейда сюжетлар төшерделәр.

Кичә якты хатирәләр, М.Ш.Шәймиевнең республика, ил тормышында, дөньякүләм тоткан ролен искә алу һәм юбилярга карата ихлас теләкләр белән үрелеп барды. Һәм, ахырдан, Минтимер Шәрип улының аеруча ярата торган ризыклары - олы апасы Дөргалия әбекәйнең ысулы буенча пешерелгән тәбикмәк, чәк-чәк, кош теле белән чәй табыны артында әңгәмә дәвам итте.

Истәлекле чарада "Ак калфак" бөтендөнья татар хатын-кызларының Актаныш районы бүлекчәсе җитәкчесе Айгөл Галимҗанова, Пучы авыл җирлеге җитәкчесе Нияз Нуртдинов, Нур Баян хуҗалыгы җитәкчесе урынбасары Әсләм Зарипов, мәдәният йорты җитәкчесе Фәйрүзә Нигъмәтуллина һәм Пучы авыл җирлегенең "Ак калфак" оешмасы җитәкчесе Гөлнара Загертдинова катнаштылар.

"Музей-йорт, 1930 еллардагы колхозлашу елларында оешкан "8 март" исемендәге күмәк хуҗалыкны 26 ел дәвамында җитәкләгән Шәрип Шәймиевнең якты истәлегенә багышлап, 2005 елда ачыла. Шаһимөхәммәд карт нигезендә Шәрип Шәймиевнең 1954 елда үз куллары җиткереп кергән йортны музей итүне Дөргалия Шәрип кызының төпчек улы Илшат Шәех улы Фәрдиев үз өстенә ала.

"Шәрип Шәймиев музей-йорты" 2011 елдан Мәдәният министрлыгының "ТР Актаныш районы Туган як музее" филиалы буларак эшчәнлеген дәвам итә.

Музей-йортның гомуми фондында мемориаль 565 экспонат теркәлгән. Узган 2016 ел нәтиҗәләре буенча, ел дәвамында музей белән 3027 кеше танышкан.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. СМИ Актаныш. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: СМИ: Актаныш
№ свидетельства о регистрации СМИ, дата: ЭЛ №ФС77-47622 от 07.12.2011
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Гимадиев Айнур Расимович
Адрес редакции: 423740, с. Актаныш, пр. Ленина, д. 49
Телефон редакции: 8(85552) 3-09-29, 3-15-44

Электронная почта редакции: airs16@mail.ru

Электронная почта для сообщений о фактах коррупции: airs16@mail.ru.

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+