Актанышта ветераннарга бушлай юридик ярдәм күрсәтелде

Актанышта Бөек Ватан сугышы ветераннарына һәм аларның гаилә әгъзалары өчен 5 май көнне бушлай юридик ярдәм күрсәтелде.

Ул 9 сәгатьтән 12 сәгатькә кадәр "Яшьлек" мәдәни үзәгендә оештырылды. Биредә бушлай юридик ярдәм күрсәтүче дәүләт оешмаларыннан түбәндәге затлар катнашты: Татарстан Республикасы буенча "Росреестр"ның Актаныш бүлекчәсе, Гөлназ Фәнис кызы Шәяхмәтова, Россия Пенсия фондының Актаныштагы идарәсе, Булат Мөзәлиф улы Басыйров, муниципаль район башкарма комитетының юридик бүлеге, Фидаил Индус улы Яппаров, нотариус Ләйсән Сөнәгать кызы Янгирова.