Бүген Актаныш районында язгы кыр эшләренә катнашачак техникаларны кабул итәләр

• 89 яңа трактор;

• 22 ашлык сугу комбайны;

• 18 турагыч комбайн сатып алынды.

2025 елгы тракторлардан файдалану күрсәткечләре

Үткән елда механизаторларның хезмәт нәтиҗәлелеге югары булды:

• Шартлы тракторлар саны – 621 берәмлек;

• Еллык җитештерүчәнлек – 882 872 эталон гектар;

• Бер шартлы тракторга туры килгән эш күләме – 1418 эталон гектар;

• Тракторларга тотылган гомуми чыгым – 736 миллион 942 мең сум.

Бер эталон гектарга тотылган ягулык уртача 3 килограмм тәшкил итә, ә бер эталон гектар җирнең үзкыйммәте район буенча уртача 898 сумга тигез.

2026 елга планнар һәм мөмкинлекләр

Быел районда техник культуралар чәчү мәйданы арттырыла. Бөтен культуралар буенча гомуми мәйдан 17 416 гектар тәшкил итә.

Районның техник мөмкинлекләре:

• Көндәлек чәчү потенциалы – 3000 гектар (идеаль һава торышы булганда);

• Эштә 6 метрлы чәчкечләр һәм заманча чәчү комплекслары катнашачак.

Шул ук вакытта, белгечләр чәчкечләр җитмәү мәсьәләсен дә билгеләп үтә. Ике сменада эшләгән очракта да нагрузка зур булып кала, бу агротехник срокларның сузылуына китерергә мөмкин. Шуңа күрә һәр агрегатны нәтиҗәле куллану һәм һава торышының һәр уңайлы минутын файдалану төп бурыч булып тора.