Актанышның 2 нче мәктәбендә район Әтиләр Советының бу уку елында беренче киңәшмәсе уза

Семинар мәктәпнең актлар залында тантаналы төстә башланды: Россия һәм Татарстан гимннары яңгырады.

Тантаналы ачылыштан соң мәктәп директоры Рәйхан Галимьянова әлеге эшлекле очрашуның максаты- гаилә кыйммәтләрендәге иң әһәмиятле урын алып торган әтиләрне зурлау дип билгеләп үтте.

Әти бала белән вакытын үткәрә икән, бүген иң мөһиме- әнә шул, – диде Рәйхан Фелүс кызы.

Мәктәпнең Әтиләр Советы нинди эшләр башкара, киләчәккә нинди планнар бар- барысы да бүгенге киңәшмәдә ачык күрсәтелде. 

Киңәшмә тәҗрибә уртаклашу, мәктәпләр, балалар бакчалары һәм ата-аналар берләшмәләре арасында тәрбия һәм хезмәттәшлекне ныгыту мәсьәләләре буенча фикер алышу өчен мөһим мәйданчыкка әверелде.

Бу хакта алдагы язмаларыбызда таныштырырбыз.