Аракы — руль артында үлем билгесе
Актаныш районында янә бер шомлы вакыйга... Күпме генә кисәтмәсеннәр, юллардагы фаҗигаләрдән сабак алмаучылар һаман бар. Бу юлы Газизов Дамир Альберт улы исемле машина йөртүче үзенең генә түгел, бөтенләй гөнаһсыз кешеләрнең гомерен куркыныч астына куйган. Ул руль артына исерек хәлдә утырган! Эчеп алган шоферның юлда нәрсә эшләргә сәләтле икәнен күз алдына китерүе дә куркыныч — бу бит, асылда, көпә-көндез кулга корал алып урамга чыгу белән бер.
Әлеге ваемсызлыкның ноктасы Татарстан Республикасы Актаныш районы җәмәгать судының 2 нче участогында куелды. Агымдагы елның 28 маенда узган утырышта судья барлык дәлилләрне җентекләп өйрәнде. Гаепләнүче үзенең җинаятьчел гамәле өчен җавап тотарга мәҗбүр булды — аның гаебе тулысынча исбатланды. Июньнең 4еннән суд карары үз көченә керде инде.
Закон җәзасы нинди?
Исерек шоферга 45 мең сум күләмендә административ штраф салынды. Икенчедән, һәм иң мөһиме — ул 1,5 елга транспорт чарасы белән идарә итү хокукыннан мәхрүм ителде.
Мондый кешеләргә юлда урын юк! Иректән мәхрүм ителмәсә дә, тимер атсыз калу һәм кесәгә шактый зур зыян килү — башкаларга да яхшы сабак булсын иде. Юл хаталарны һәм исереклекне кичерми.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев