Кулланучы әлифбасы: турны ничек гамәлдән чыгарырга һәм юллама өчен акчаны ничек кайтарырга?

Мин турны гамәлдән чыгара һәм путевка өчен акчаны кире кайтара аламмы?

Туристлык продуктыннан баш тарту һәм түләнгән акчаларны кире кайтару хокукын гамәлгә ашыру өчен кулланучыга түбәндәгеләр тәкъдим ителә:

1. Туроператорга яки турагентка сәфәрне гамәлдән чыгару турында язма хәбәрнамә җибәрергә (иң яхшысы — электрон почта аша). Оператив мәгълүмат бирү юлламаның тулы бәясен кайтару ихтималын арттыра.

2. Төзелгән шартнамә шартларына анализ ясарга: турны гамәлдән чыгарган өчен штраф санкцияләре турындагы нигезләмәләр законсыз. Өстәмә рәвештә, шартнамәнең бәхәсләрне хәл итү тәртибен регламентлый торган бүлегенә игътибар итәргә кирәк.

3. Юлламаны сатып алу урыны буенча туристлык продуктыннан баш тарту турында ике нөсхәдә дәгъва хаты бирергә. Аңа түбәндәге белешмәләрне кертергә:

   • Мөрәҗәгать итүченең шәхси белешмәләрен;

   • Шартнамә номерын;

   • Сәфәрне туктату өчен нигезне;

   • Акчаларны кире кайтару өчен счет реквизитларын;

   • Башкаручының фактта тоткан чыгымнарын раслый торган документлар бирү турындагы таләпне.

   Гаризага раслаучы документларны теркәп куярга кирәк.

4. Гариза бирү фактын теркәүне тәэмин итәргә: гаризаның кабул итү турында тамгалы нөсхәсен йә электрон язышуның скриншотларын саклап калырга.

5. Акча средстволарын мөрәҗәгать иткән көннән алып 10 календарь көннән дә артмаган срокта кайтаруны көтәргә («Кулланучылар хокукларын яклау турында» 1992 елның 7 февралендәге 2300-1 номерлы РФ Законының 22 маддәсе нигезендә). Күрсәтелгән срокны бозган очракта, кулланучы срогы чыккан һәр көн өчен юллама бәясеннән 3% күләмендә неустойка түләүне таләп итәргә хокуклы, ләкин ул туристлык продуктының гомуми бәясеннән артмаска тиеш.

6. Дәгъва җибәрелгәннән соң 10 эш көне узгач, таләпләр канәгатьләндерелмәгәндә, кулланучы акчаларны түләтү, мораль зыянны компенсацияләү һәм суд чыгымнарын каплау турындагы дәгъва белән судка мөрәҗәгать итәргә хокуклы.

Әгәр тормышның теләсә кайсы өлкәсендә кулланучылар хокукларын яклау буенча сорауларыгыз туа икән, һәрвакыт Татарстан Республикасы Дәүләт алкоголь инспекциясенең Чаллы территориаль органына мөрәҗәгать итә аласыз — анда компетентлы хезмәткәрләр ярдәм итәчәк.

Яңалыкларны Татарстан Республикасы Дәүләт алкоголь инспекциясенең рәсми битендә күзәтегез: vk.com/gosalcogolrt

Татарстан Республикасы Дәүләт алкоголь инспекциясенең Яр Чаллы территориаль органы