Ватанны саклаучылар көненә багышлап: Сезне «Алтын бәке» бәйгесендә көтеп калабыз!
Актанышбаш авыл җирлеге җитәкчелеге ел саен Чөгәнә авылы янындагы Иске Идел елгасы бозында табигать сөюче дусларыбызны бергә җыя.
"Алтын бәке" балыкчылар бәйгесенә үзебезнең Актаныш районында яшәүчеләр, бәйрәм ялларына кунакка кайтучылар, шулай ук күрше Башкортстаннан да килеп катнашалар, актив ял итеп китәләр.
Быел да оештыручылар бу матур традициягә тугры калып, 24 февральдә "Алтын бәке"гә бар халыкны чакырып кала.
Бәйрәмнең махсус кунаклары- артистлар Алмаз һәм Айдар Юнысовлар көн дәвамында балыкчыларга багышлап иң матур җырларын башкарачак.
Бәйгегә теркәлү 8.00 сәгатькә кадәр. Ярышлар 8.30 сәгатьтә башлана. 12.00 сәгатьтә- җиңүчеләрне бүләкләү.
Белешмәләр өчен телефон: 8-927-047-97-97
Следите за самым важным и интересным в Telegram-каналеТатмедиа
Нет комментариев