Бүген Бөтендөнья юл – транспорт һәлакәтләре корбаннарын искә алу көне

Әлеге чараның максаты-юл хәрәкәтендә катнашучыларның игътибарын, юлларда куркынычсызлыкны тәэмин итүгә бәйле иде. Мәктәпкә әзерлек төркемендә "Бөтендөнья юл-транспорт һәлакәтләре корбаннарын искә алу" көне турында әңгәмәләр үткәрдек, шулай ук тематика буенча мультфильмнар карадык, балалар белэн плакатлар ясадык, куркынычсызлык буенча инструктажлар үткәрдек.  
 

ЮИД укучылары балалар белән юл буена чыгып, җәяүлеләргә,  машина йөртүчеләргә имин юллар теләп белешмәлекләр тараттылар. Чарабызда Юл хәрәкәте куркынычсызлыгы  Дәүләт бюджет учреждениесенең Актаныш районы буенча җитәкчесе Ләйсән Мөхәммәтова һәм инспектор Артур Җиһаншин балаларга үзләренең киңәшләрен бирделәр,кагыйдәләрне исләренә төшерделәр,төгәл үтәргә,игътибарлы булырга чакырдылар һәр балага истәлек бүләкләре дә тараттылар.

Яңа Әлем балалар бакчасы коллективы