Актаныш районы «Туган як» музееның яңа җитәкчесе- Лилия Хәмидуллина

Яңа җитәкчене коллектив белән Актаныш районы Башкарма комитет җитәкчесе Рөстәм Ильясов таныштырды. Лилия Флүс кызына ихластан уңышлар теләп, яңа күрсәткечләргә ирешү бурычын ассызыклады ул.

Лилия Хәмидуллина Актаныш районы Ахун авылында туган. Хезмәт юлын 1993-1998 елларда Олыимән авылында башлангыч сыйныф укытучысы булып башлап җибәрә. 2001-2008 елларда Актанышның 2 санлы мәктәбендә китапханәче булып эшли. 2011-2020 елларда үзәк китапханәдә хезмәт куя. 2020-2022 елларда китапханә белән җитәкчелек итә.

Актаныш районы хакимиятенең матбугат үзәге