«Уеннар иленә сәяхәт»: мәдәният һәм сәнгать паркында балалар өчен күңелле квест узды
«Татарстанда җәй» проекты кысаларында 24 июльдә Актаныш мәдәният һәм сәнгать паркында балалар өчен «Уеннар иленә сәяхәт» дип исемләнгән мавыктыргыч квест-программа оештырылды.
Чара барышында балалар Габдулла Тукай әкиятләренең тылсымлы дөньясына чумдылар, халык уеннары белән таныштылар һәм «Габдулла» уенында катнаштылар.
Кечкенә кунаклар иҗади мастер-классларда да үзләрен сынап карадылар: йомырка бизәделәр, үз куллары белән уенчык куян ясадылар. Шулай ук алар күрше халыклар мәдәнияте белән таныштылар һәм «Алтын капкалар» исемле зур хәрәкәтчән уенда күңел ачтылар.
Көлү, иҗат һәм яңа ачышларга бай булган әлеге көн балаларга онытылмаслык тәэсирләр бүләк итте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев