Буыннар очрашуында

Бүген 1а классында "Буыннар очрашуы" дип исемләнгән кичә үтте. Балалар әти-әни, бабыкай-әбекәйләргә багышлап шигырьләр сөйләделәр, җырлар җырладылар, күмәк бию башкардылар. Кичәнең икенче өлешендә һәр гаилә үзләре белән таныштырды. Гаиләнең кадерле ядкаре, гаилә гербы, гаиләнең иң яраткан шөгыле,  ризыгын күрсәтеп аңлатып киттеләр.  Кичәнең өченче өлеше  кызыклы уеннар, сораулар, киңәшләр белән үрелеп барды.Бәйгеләрдә әтиләр, әниләр, әбекәйләр, бабыкайлар һәм балалар көч сынашты.Һәр гаиләнең дәвамчылары-балаларга  "Буыннар очрашуы" истәлеге итеп нәсел агачы плакаты бүләк ителде. Кичә күмәк фотога төшү белән тәмамланды.