Өченче көн югалган балыкчыны эзлиләр

Коткаручылар 26 октябрьдә Түбән Кама янында Ильинка авылыннан ерак түгел Кама елгасында балык тотканда югалган 46 яшьлек ир-атны эзләүне дәвам итә.

Эзләү эшләре вакытында коткаручылар елганың яр буйларын карап чыгалар, берочтан 10 мең кв.м мәйдандагы су төбен водолазлар тикшерә. Әмма эзләүләрнең нәтиҗәсе булмады.

Эзләүләр дәвам итә, дип хәбәр итә Россия гадәттән тыш хәлләр министрлыгының Татарстан буенча Баш идарәсе матбугат хезмәте.