«Актаныш таңнары» -бик яхшы газета!

Светлана Габдуллина озак еллар «Таң» хуҗалыгында хисапчы эшли. Бер елны да районыбыз газетасына язылмый калганы юк. Әле менә бүген дә үзенә һәм әнисенә «Актаныш таңнары» газетасына язылырга почтага килгән. Ачык йөзле, тәмле телле почта хезмәткәрләре мондый актив авылдашларны сөенеп каршы ала. Берочтан Светлана ханым «Ирек мәйданы», «Язмыш кочагы» кебек кызыклы газеталарга язылган.

Бик яхшы газета. Вакытында китерәләр, хат ташучыларыбыз вакытлы матбугат таратуны бер дә соңартмыйлар. Эштә җитәкчебездән башлап, бөтенебез дә укыйбыз. Чаллыда эшләүче улым ял көннәрендә авылга кайта, ул да яратып укый. Әниемнәр аерым тора, аларга да язылдым, -ди Светлана апа.