Өйдә тозлы кыяр ясыйбыз: гади һәм ышанычлы рецепт

Ингредиентлар:

• Яңа өзелгән, уртача зурлыктагы кыяр – 2 кг

• Су – 1,5 литр

• Тоз (йодсыз) – 2 аш кашыгы

• Шикәр комы – 1 аш кашыгы

• Сарымсак – 5–6 тырнак

• Укроп (орлыгы яки сабагы белән)

• Кара борыч (борчак) – 5-6 данә

• Лавр яфрагы – 2-3 данә

• Теләсәгез, чия яфрагы яки кара карлыган яфрагы да өстәргә мөмкин

Әзерләү юллары:

1. Кыярларны юып, салкын суга 2–3 сәгатькә салып торыгыз .

2. Стерильләштерелгән банкаларның төбенә укроп, сарымсак, борыч һәм яфраклар салыгыз.

3. Кыярларны тыгыз итеп банкага тутырыгыз.

4. Аерым кәстрүлдә суга тоз белән шикәрне салып, тозлык кайнатасыз.

5. Кайнар тозлыкны банкага агызасыз. 10 минут тотканнан соң тозлыкны кире кәстрүлгә бушатып, яңадан кайнатасыз.

6. Икенче кат кайнар тозлыкны салгач, банкаларны капкач белән ныклап ябып, юрганга төреп суынганчы тотасыз.

📍 Киңәш: Кыярларны 3-5 көннән соң ук авыз итеп карарга мөмкин. Салкынча, караңгы урында сакласагыз, берничә ай бозылмыйча торыр.