МЧС хезмәткәрләре «Бүләк» төбәкара лагеренда янгын куркынычсызылыгы дәресе уздырды

Өйрәнүләрнең төп максаты балалар күпләп була торган объектта гадәттән тыш хәл килеп чыккан очракта ашыгыч хезмәтләрнең көчләре һәм чараларының үзара бәйләнешен өйрәнү булды.

Өйрәнүләр белән бер үк вакытта янгын сүндерүчеләр һәм коткаручылар беренче сменада ял итүчеләр белән мөһим профилактик очрашу оештырдылар. Гадәттән тыш хәлләр министрлыгы хезмәткәрләре балалар белән янгын куркынычсызлыгы буенча әңгәмә үткәрде. Алар көнкүрештә һәм табигатьтә янгыннан саклануның төп чараларын җентекләп аңлаттылар, шулай ук балаларга янгын вакытында үз-үзеңне тоту кагыйдәләрен тагын бер кат искә төшерделәр. 

Махсус техниканы һәм янгын сүндерү чараларын күрсәтү балаларда аеруча зур кызыксыну уятты. Балалар янгын сүндерү машиналарын, янгын сүндерүчеләрнең җиһазларын һәм экипировкаларын якыннан карадылар, кызыксындырган сорауларны бирделәр.

Коткаручыларның эш визиты практик өлеш белән тәмамланды. Лагерь персоналы һәм ял итүчеләр белән берлектә шартлы янгын вакытында эвакуацияләү һәм беренчел янгын сүндерү чараларын куллану буенча гамәли чаралар үткәрелде.

Мондый чаралар "Бүләк"тә һәм районның башка балалар оешмаларында даими үткәрелә.Алар гадәттән тыш хәлләр министрлыгы көчләренең һәм персоналының гадәттән тыш хәлләргә әзерлеген тикшереп кенә калмыйча, үсеп килүче буында тормыш куркынычсызлыгы өлкәсендә ныклы белем һәм күнекмәләр формалаштырырга мөмкинлек бирә, бу җәйге каникуллар чорында иң мөһим бурыч булып тора.