Актаныш районы башлыгы Ленар Зарипов СВОдагы якташларыбызның гаиләләре яшәгән өйләрнең капка алларын кардан чистартуны бурыч итеп куйды

Актаныш районында туып-үсеп махсус хәрби операциядә катнашучы батырларның саны ике йөздән артып китә. Район җитәкчелеге якташларыбызның гаиләләрен һәрвакыт игътибар үзәгендә тота. Ел дәвамында әлеге гаиләләргә бушлай утын кайтарылды. Балалары мәктәп ашханәсендә бушлай туклана, түгәрәкләргә йөрү, бассейнда шөгыльләнү өчен дә түләү алынмый. Балалар бакчаларына йөртү дә түләүсез. 

Бүген Актаныш районы башлыгы Ленар Зарипов кышкы чорда эшләячәк техникаларның әзерлеген караган вакытта тракторчы-мехнинизаторлар алдына  мөһим бурыч куйды. Урамнарны кардан эттергән вакытта махсус хәрби операциядә катнашучы якташларыбызның гаиләләре яши торган шәхси йортларның капка алларын кардан чистартырга кирәк. 

Бу игелекле инициатива илебез мәнфәгатьләрен яклап батырлык һәм кыюлык үрнәге күрсәтүчеләргә ярдәм итүгә юнәлдерелгән. Йорт яны территорияләрендә чисталык һәм тәртип булдыру яшәү өчен уңайлы шартлар тудырып кына калмый, ә безнең геройларга һәм аларның гаиләләренә хөрмәт билгесе дә булып тора.

Тракторчы механизаторлар әлеге тәкъдимне хуплап алдылар, бары аларга авыл җирлекләре җитәкчеләренең махсус хәрби операциядә катнашучыларның гаиләләре яшәгән йорт адресларын тапшыруы гына кирәк.

Напомним, в России 2024 год официально объявлен Годом семьи по указу Президента России Владимира Путина. Решение принято, чтобы популяризировать политику в сфере защиты семьи и сохранить традиционные семейные ценности.

Исегезгә төшерәбез, Россиядә 2024 ел рәсми рәвештә Россия Президенты Владимир Путин Указы нигезендә Гаилә елы дип игълан ителде. Карар гаиләне яклау өлкәсендә сәясәтне популярлаштыру һәм традицион гаилә кыйммәтләрен саклау өчен кабул ителде.