Актаныш районында чәчү эшләренең 69 проценты башкарылды

«Нигез» хуҗалыгы язгы чәчү эшләрен тәмамлау алдында, хуҗалык кыр эшләренең 90 процентын тәмамлауга ирешкән.

«Чишмә» хуҗалыгы 84 , «Наратлы» хуҗалыгы 81 процент чәчүен төгәлләгән. Арпа, бодай, солы, борчак, ясмык, бөртеккә игелә торган кукуруза, карабодай, вика культуралары- барлыгы 31 516 гектар бөртеклеләр игү планлаштырыла, бу культураларның 27 187 гектары инде җир куенына  иңдерелде. Кырларыбызда терлек азыгына дигән 15 876 гектар кукуруза, катнашазык, күпьеллык һәм берьеллык үлән, борчак, солы культураларының 6439, 5 гектары чәчелде.