Актаныш районындагы китапханәләр фондында 397 124 данә китап бар
Бүген, 27 майда Россиядә Гомумроссия китапханәләр көне — безгә белем дөньясын бүләк итүчеләр: китапханәчеләр, библиографлар һәм китап белгечләренең һөнәри бәйрәме билгеләп үтелә.
Бәйрәм тарихы
1995 елда Россиянең беренче гомуми кулланыштагы дәүләт китапханәсе — Император гавами китапханәсе (Хәзерге Санкт-Петербургтагы Россия Милли китапханәсе) нигезләнү хөрмәтенә оештырылган. Аның төзелүенә 230 ел!
Актаныш районында түбәндәге китапханәләр халыкка
хезмәт күрсәтәләр:
• Үзәк китапханә
• Балалар китапханәсе
• авыллардагы 35 филиал
Аларда 47 белгеч эшли- даими укыйлар һәм квалификацияләрен күтәрәләр.
Район фондын 397 124 данә китап тәшкил итә (шуның 193 557 е — татар телендә). Бу китап кына түгел, ә милли байлыгыбыз!
Китапханәчеләрне һөнәри бәйрәмнәре белән котлыйбыз! Хезмәтегез, китапларга һәм укучыларга булган мәхәббәтегез өчен рәхмәт. Сезнең дөнья һәрвакыт зирәклек һәм илһам белән тулы булсын!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев