Актаныш вәкилләре Үзбәкстанда: мәдәни хезмәттәшлек һәм тәҗрибә алмашу
Татарстан Республикасы Мәдәният министрлыгы һәм «ТатКультРесурс» үзәге тарафыннан оештырылган эшлекле сәфәр кысаларында Үзбәкстан Республикасына Татарстаннан зур делегация юл тотты. Әлеге мөһим сәфәрдә Актаныш районыннан да вәкилләр катнаша.
Әлеге сәфәрнең төп максаты — Татарстанда милли һөнәрчелекне тергезү, саклау һәм үстерү, мәдәни багланышларны ныгыту. Мондый очрашулар иҗади фикер алышу, яңа идеяләр туплау һәм һөнәри үсеш өчен киң мөмкинлекләр ача.
Актаныш вәкилләре Татарстаннан зур делегацияне Үзбәкстанга җибәргән Мәдәният министрлыгына, шулай ук сәфәрне югары дәрәҗәдә оештырган «ТатКультРесурс» үзәге җитәкчесе Алсу Равил кызы Мифтаховага һәм аның командасына ихлас рәхмәтләрен белдерәләр.
Шулай ук тәҗрибә туплау өчен мөмкинлек тудырганнары өчен Актаныш муниципаль районы җитәкчелегенә, ә җылы кабул итүләре һәм кунакчыллыклары өчен Үзбәкстан Республикасына тирән рәхмәт сүзләре җиткерделәр.
Мондый хезмәттәшлек киләчәктә дә дәвам итеп, ике тугандаш халык арасындагы мәдәни бәйләнешләрне тагы да ныгытыр, дип ышанычта калабыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев