Иң тәмле лечо!

Безгә кирәк:

• 3 кг.помидор
• 1.5 стакан шикәр комы
• 1 стакан көнбагыш мае
• 8-10 кара борыч борчагы
• 2 аш калагы тоз
• 3 лавр яфрагы
• 2 аш калагы 9% аш серкәсе ( уксус)
• 3 кг.болгар борычы ( болгарский сладкий перец)

1) Помидорларны иттарткыч аша үткәрәбез, кайнатырга куябыз, шикәр өстибез, аннан көнбагыш маен, кара борыч,тоз, лавр яфрагы, аш серкәсен салабыз.

2) 30 минут кайнатабыз, алдан турап куелган борычларны салабыз.

3) Тагын 10 минут кайнатабыз.

4) Банкаларга салып, тимер капкачлар белән каплыйбыз да, астын өскә әйләндереп өстен каплап куябыз, җылы одеяло белән төрәбез. 

Бик яхшы саклана!
 Ашыгыз тәмле булсын!