Грипптан саклануның иң отышлы чарасы- вакцинация!

Актаныш район үзәк хастаханәсе грипп авыруыннан саклаучы препаратлар белән тулысынча тәэмин ителгән. 11 мең дозада зурларның да, балаларның да организмына ярашлы «Ультрикс квадри», «Совигрипп", “Флю-М” вакцинасы кайтты. Бу хакта табиб-инфекционист Кадрия Трегулова район хакимиятендә узган брифингта сөйләде. 

 
         Ел башыннан кискен респиратор авырулар белән 1300 дән артык кеше авырды. Шуларның 9ына тест нәтиҗәләре буенча грипп, 29 кешегә ковид диагнозы куелды. Хәзер аларның барысы да сәламәтләнде, - диде Кадрия Әнис кызы.