Иҗтимагый оешмаларда рубрикасы буенча яңалыклар
-
Изгелек — йөрәктән чыккан нур: СВО ветераны утсыз калган инвалидларның йортына электр үткәрде
Яңа Богады авылында яшәүче II төркем инвалид Илдар Хәсәновның электр үткәргечләре искереп, йортында уты сүнә. Әле күптән түгел генә Актаныш районы инвалидлар берлеген җитәкләргә алынган махсус хәрби операция ветераны Әлфис Шәйхелмәрдәнов бу проблеманы тиз арада чишәргә алына. Кулы эш белгән егет кешегә сүз катып тормый, мөмкинлекләре чикләнгән райондашларыбызның йортына үз куллары белән электр үткәрә.
-
10 000 адым — тормышка бергә!
Актаныш районында «Бердәм Россия» партиясе актив буын вәкилләре белән Сәламәтлек көнен билгеләп үтте һәм «10 000 адым — тормышка бергә» акциясендә катнашты!
-
Актаныш районы инвалидлар оешмасы җитәкчесе итеп СВО ветераны Әлфис Шәйхелмәрданов билгеләнде
Бүген Актаныш районы инвалидлар оешмасы җитәкчесе итеп махсус хәрби операция ветераны, «Батырлык ордены» иясе Әлфис Шәйхелмәрданов билгеләнде. Әлфис Шәйхелмәрдановны авыл җирлекләрендәге башлангыч инвалидлар оешмалары җитәкчеләренә район башкарма комитеты җитәкчесенең социаль мәсьәләләр буенча урынбасары Дилбәр Әнвәрова тәкъдим итте.
-
Өлкән буын өчен актив тормыш — өстенлекле юнәлеш
«Гаилә» илкүләм проектының төп юнәлешләренең берсе — өлкән яшьтәге кешеләрнең актив озын гомерен тәэмин итү. Бу максаттан чыгып, «көмеш» яшьтәгеләр өчен Татарстанда бик күп мөмкинлекләр тудырыла: физик культура һәм спорт белән шөгыльләнү, кул эшләре, рәсем ясау, әвәләү буенча мастер-класслар, иҗади үз-үзеңне тормышка ашыру өчен вокал түгәрәкләре, хор коллективлары, театр студияләре эшләп килә. Шулай ук театрлар, концертлар, музейлар, күргәзмәләр, лекцияләр һәм экскурсияләр кебек мәдәни чараларга бушлай йөрү мөмкинлеге тудырыла. Моннан тыш, компьютер һәм финанс грамоталылыгы курслары да оештырыла.
-
«Батыр»да сәламәтлек дәресләре: Көмеш буын актив яши
Актаныш районы ветераннар Советы каршында эшләп килүче «Сәламәтлек» клубы көмеш яшендәге хатын-кызлар, ир-егетләр арасында бик популяр. «Атнаның сишәмбе һәм җомга көннәрен ашкынып көтеп алабыз, чөнки бу көннәрдә ике сәгать дәвамында «Батыр»да шөгыльләнәбез», ди алар. Дәвалау-физкультура күнегүләре атнаның сишәмбе һәм җомга көннәрендә «Батыр» спорткомплексында иртәнге 10.00 сәгатьтә башлана. Рәхим итегез!
-
«Мирас» ветераннар хоры «Балкыш» фестиваленә әзерләнә
Актаныш районының «Мирас» ветераннар хоры апрель аенда узачак республикакүләм «Балкыш» фестивалендә катнашу өчен актив әзерлек алып бара.
-
Райондашыбыз Лилия Вәлиева III Бөтенроссия «Сәнгать шарлавыгы - Водопад искусств» конкурс-фестивале җиңүчесе
Әле генә бик шатлыклы хәбәр килеп иреште! Райондашыбыз Лилия Шәүкәт кызы Вәлиева Россия халыклары бердәмлеге елы кысаларында уздырылган III Бөтенроссия күпжанрлы «Сәнгать шарлавыгы-Водопад искусств» конкурс-фестиваленең җиңүчесе булды.
-
Актанышның инвалидлар җәмгыяте командасы — республика җиңүчеләре рәтендә
Татарстан Республикасының Бөтенроссия инвалидлар җәмгыяте ел дәвамында сәламәтлек мөмкинлекләре чикле кешеләр өчен төрле спорт ярышлары һәм турнирлар оештыра. Актаныш районы командасы бу ярышларда ел буе актив һәм даими рәвештә катнашып, республика беренчелеге һәм чемпионатларында югары нәтиҗәләр күрсәтте, призлы урыннар яулады.
-
Яңа елга якты тәэсирләр белән!
Актаныш районы инвалидларның беренчел оешмалары җитәкчеләре узып баручы елга йомгак ясады.
-
Иҗатта чикләр юк!
Бүген район инвалидлар оешмасының хисап-сайлау конференциясе оста куллы, хезмәт сөючән райондашларыбызның кул эшләре куелган күргәзмә белән башланды. Иске Кормаш, Теләкәй, Яңа Әлем, Актанышбаш, Актаныш, Иске Байсар авыл җирлекләренең күргәзмәсен караган һәркем эшләнмәләргә карап сокланды, бәйләгән, теккән, чиккән мендәр тышлары, сөлге, кулъяулыклар, алъяпкычлар, шамаилләр, курчаклар, кәрзиннәр- барысы да инвалидларның мөмкинлекләре бер дә чикләнмәгән икәнен күрсәтә.
-
Райондашларыбыз хөрмәтләнде
Бөтенроссия инвалидлар җәмгыятенең Актаныш районы җирле оешмасы хисап-сайлау конференциясендә актив башлангыч оешма җитәкчеләрен хөрмәтләделәр. Райондашларыбызны мактау кәгазьләре һәм рәхмәт хатлары белән Актаныш районы башлыгы Ленар Зарипов һәм Татарстан Республикасы инвалидлар җәмгыяте җитәкчесе Эльмира Шаһвәлиева котлады.
-
Актаныш районында инвалидлар декадасы башланды
2006 елдан башлап Берләшкән Милләтләр оешмасының Генераль Ассамблеясы карары нигезендә 3 декабрь Халыкара инвалидлар көне буларак билгеләп үтелә. Республикада һәм безнең районыбызда да традиция нигезендә 1 нче декабрьдән 10 сына кадәр инвалидлар ункөнлеге уздырыла. Бу көннәрдә физик мөмкинлекләре чикләнгәннәргә аеруча игьтибар, мәрхәмәт күрсәтелә, төрле чаралар, очрашулар үткәрелә. Аларны борчыган сораулар, проблемалар өйрәнелеп, чишү юллары эзләнә.
-
Актанышның шашка-шахмат сөючеләре Түбән Камадагы турнирда җиңде
Түбән Кама шәһәрендә мөмкинлекләре чикләнгән спортчылар арасында шахмат, рус һәм халыкара шашка буенча Татарстан Республикасы чемпионаты узды. Өч көн дәвам иткән ярышларда Актанышның инвалидлар җәмгыяте командасы катнашып, мактаулы 1 нче урынны алды.
-
Мохтаҗларны кайгыртып: Инвалидлар оешмасы ярдәме белән Шәрип авылындагы гаилә сулы булды
Шәрип авылында яшәүче Харисовлар йортына бу көннәрдә су керттеләр. Харисовлар әниле -уллы бик каты авырыйлар. 67 яшьлек Әлфия Харисова 30 яшеннән аяклары сызлап интегә. Ә улы Расихка моннан ике ел элек инвалидлык биргәннәр, «Строитель» төзелеш оешмасында эшләгәндә йөк машнасыннан бетон җирлеккә барып төшә, бик каты башы бәрелә. Бергә эшләгән иптәшләре арасында аны үлгән дип уйлаучылар да була. Әмма Расих авыртынса да, эшләргә тырыша. Авыру көчлерәк булып чыга, 7 ел элекке авариянең нәтиҗәсе акрынлап үзен күрсәтә башлый. Ир- егетнең башына зыян килә, авыру тора-бара көчәя. Хәзер Расихны бер минутка да күздән ычкындырырга ярамый. Әлфия апаның кече улы Рәмис эштән китәргә мәҗбүр, авыру абыйсы белән әнисен карый. Өйләренә су кермәгән, йорт иске, кышын салкын, лапас та җимерек. Харисовлар, су кертүдә ярдәм сорап, Актаныш районы инвалидлар җәмгыятенә мөрәҗәгать итәләр. Җитәкче Фәйрүзә Разетдинова аларның мөрәҗәгатен игътибар белән тыңлый. Иганәчеләр таба, су кертү оешмасы белән сөйләшә, аларның эш барышына контрольлек итеп, Харисовлар йортына су кертүгә иреште.
-
Актанышның инвалидлар җәмгыяте спортчылары ярышларда җиңү яулый
Актаныш районы инвалидлар җәмгыятенең шахмат-шашка осталары Түбән Кама шәһәрендә сәламәтлек мөмкинлекләре чикләнгән спортчылар арасында узучы ярышта катнаша. Республиканың барлык шәһәр, районнарыннан килгән вәкилләр җиңү өчен көч сынаша.
