БЕЗНЕҢ ГЕРОЙЛАР
-
Улыбызның батырлыгы бәрабәренә бик нык хөрмәтләүләргә лаек булдык
Актаныш районында Ватаныбыз сагы өчен изге көрәшкә күтәрелгән солдат аналарының һәрберсе - игътибар үзәгендә. Улларын махсус хәрби операциягә озаткан әниләрнең хис-кичерешләрен алар бары үзләре генә белә. Илебезне баскынчылардан яклап яу кырында көрәшүче солдатларның һәрберсен аналарның изге теләкләре фәрештәдәй саклый, дошманнардан арчалый.
-
Ил намусы — ир намусы!
2025 нче елны Илебез башлыгы Владимир Путин “Бөек Ватан сугышында Җиңүнең 80 еллыгы, Тынычлык елы һәм нацизмга каршы көрәш елы», Татарстан Республикасы Рәисе Рөстәм Миннеханов “Ватанны саклаучылар” елы, ә Бөтендөнья татар конгрессының Милли Шурасы “Бөек Җиңүнең 80 еллыгы һәм Тынычлык елы” дип игълан итте. Иске Кормаш мәктәбендә әлеге уңайдан мәктәпнең чыгарылыш укучысы Илнар Гәрәев истәлегенә «Герой партасы» ачылды. Илнар Фәрит улы Украинада барган махсус хәрби операциядә катнашучы батыр егетләребезнең берсе.
-
«Гаилә мәктәбе» дәресендә укучылар МХО ветераны Илнар Нәбиуллинны хөрмәтләде
Бүген Актаныш районы ЗАГС бүлегендә «Гаилә мәктәбе» дәресе аеруча үзенчәлекле узды. Актанышның кадет-интернат, Иске Байсар, Чуракай мәктәбе укучылары дәрестә махсус хәрби операция батыры, якташыбыз, Богады авылы егете Илнар Нәбиуллин белән очраштылар. «Батырларга хат» акциясе кысаларында аңа изге теләкләр язылган котлау хаты тапшырдылар.
-
Якташларыбыз- ил батырлары!
Актаныш технология техникумы студентлары махсус хәрби операциядән кайткан Данир Басыйров белән очрашты. Ул үзе дә кайчандыр шушы уку йортында белем алган кешеләрнең берсе.
-
Аеш авылында әфганчы ветеран Илфак Нурлыгаянов истәлегенә хәтер тактасы куелды
Бөек Җиңүнең 80 еллыгын каршылаган көннәрдә Актаныш районында игелекле дә, изгелекле дә чаралар оештырыла. 1979-1989 елларда барган Әфганстанда интернациональ бурычын үтәгән батыр райондашларыбыз яшәгән йортларга хәтер такталары куела. 2018 елда башланып киткән әлеге акция хәзергәчә уңышлы дәвам итә. Бүген Аеш һәм Яңа Әлем авылларында бакыйлыкка күчкән якташларыбызны искә алдык.
-
Батырларыбыз онытылмый!
Яңа Әлем авылында бүген Хәтер такталы бер йорт артты. Әфганчы ветеран, тыныч тормышта вафат Рафак Исламхуҗинны искә алдылар, әфганчы ветераннар сугышчан дуслары яшәгән йортка истәлек тактасы куйдылар.
-
Актанышның 621нче сайлау участогына махсус хәрби операция герое Рөстәм Вәлиев исеме бирелде
Бүген Казанда Россия Үзәк сайлау комиссиясе рәисе Элла Памфилова катнашындагы тантаналы чарада Актаныш районының 621нче сайлау участогына махсус хәрби операция ветераны, яу кырына киткәнче Актаныш районы территориаль сайлау комиссиясе рәисе булып эшләгән Рөстәм Вәлиев исеме бирелде.
-
Пучы балалар бакчасына очрашуга махсус хәрби операция батыры килде
Пучы балалар бакчасында дулкынландыргыч һәм бик мөһим очрашу узды.
-
Бөек Җиңү бәйрәмендә Актаныш батырлары «Батырлык ордены» белән бүләкләнде
Актанышның Җиңү бәйрәме аеруча истәлекле булды. Районыбыздан Украинада махсус хәрби операциядә неонацизмга каршы батырларча көрәшкән якташларыбызга дәүләт бүләкләр тапшырылды.
-
Якташыбыз Илдар Хәйретдинов Жуков медале белән бүләкләнде
Безнең заман герое: якташыбыз батырлыгы өчен Жуков медале белән бүләкләнде.
-
Махсус хәрби операция батыры Илзар Сәрвәретдинов Такталачык җирлегендәге Җиңү бәйрәмендә машиналар парадын җитәкләде
Такталачык җирлегендәге Җиңү бәйрәме Бөек Ватан сугышы втераннары белән бергә хәзерге заман геройларын да хөрмәтләделәр. Махсус хәрби операция батырлары Илзар Сәрвәретдинов белән Айдар Әдиятуллин Җиңү бәйрәмен оештыруда да катнаштылар.
-
Шәфкатьлелекнең алгы сызыгында
Махсус хәрби операциядән вакытлыча ялга кайткан ветераннарыбыз Быелгы Җиңү бәйрәменең почетлы кунаклары булдылар. Мәсәлән, санитар -инструктор Айдар Әдиятуллин туган авылы Такталачыкта машиналар парадында катнашты. Сугышчан дусты Илзар Сәрвәретдинов белән Билгесез солдат һәйкәленә чәчәк тәкыяләре салдылар. Алар- яшь буынга, авыл халкына күз алдында үсеп тәрбияләнгән чын патриотлык үрнәге.
-
Калмаш авылыннан махсус хәрби операция батыры Руслан Гайсин «Жуков» медале белән бүләкләнде
Махсус хәрби операция башлану белән Ватаныбыз мәнфәгатьләрен яклап неонацизм белән көрәшүче хөрмәтле райондашыбыз, Калмаш авылы егете Руслан Гайсин «Жуков» медале белән бүләкләнде.
-
Актанышта махсус хәрби операция батыры Раил Надриев истәлегенә хәрби-патриотик ярышлар узды
Бүген Актаныш технология техникумында өченче тапкыр рәттән махсус хәрби операциядә һәлак булган Раил Надриев истәлегенә «Ягез әле, егетләр!» хәрби-патриотик ярышлар уза. Раил Марсель улы технология техникумын тәмамлап яу кырында һәлак булган беренче студент. Ул үлгәннән соң «Батырлык» орденына лаек булды.
-
Яугирләр - безнең хәтердә!
Махсус хәрби операция герое Раил Надриев истәлегенә ярышларны ачу тантанасына килүчеләр технология техникумының «Дан» аллеясына чәчәкләр салдылар. Биредә технология техникумын төрле елларда тәмамлаган элеккеге студентларга мемориаль такталар куелды. Кызганыч, кайчандыр махсус хәрби операциядә һәлак булган биш батыр аллеясы елдан-ел киңәя. Бүген Ватаныбыз мәнфәгатьләрен яклап башын салганнар саны 23 кә җиткән.
